郭子健：《大時代》世界　恐怖得來溫暖

▲ （相片來源：資料圖片）

曾執導《西遊．降魔篇》、《救火英雄》、《全力扣殺》等，以及憑《打擂台》奪香港電影金像獎最佳電影的郭子健，對《大時代》推崇有嘉。

「《大時代》首播時正唸中學，因錄下全套劇，所以不時翻看，對日後影響很深。如葉天（羅樂林飾）說『如果聽日就死，會選邊個行業邊個地方去用完你最後嘅時間』，令我決心入電影行。

人生每遇低潮時，亦看《大時代》來鼓勵自己。當還是編劇很想當導演時，就係拎住方展博所說『只要諗住係就係』呢句話，唔接任何工作，只專心籌備自己做導演，不知為何慢慢真的有人聯絡我當導演。

「我的編劇師傅司徒錦源有份參與寫《大時代》，他讓我看此劇分場及《馬場大亨》首集劇本，驚為天人。劇本須具備動作、氣氛，同時寫得簡單，韋家輝的劇本就係用一行字，已可活靈活現形容晒成場戲。睇晒《大時代》，並能默出分場就已經係一堂編劇課，我真係咁做。此劇有相愛不能愛、親情、恨錯難返、以為得到原來係失去、低谷卻是轉捩點等，對人生沒透澈理解是不可能將以上化成戲劇，而韋家輝拍《大時代》時卻未夠 30 歲。

「《流氓大亨》、《義不容情》、《誓不低頭》都有法庭戲，但冇一場精采得過丁蟹打官司自辯，韋家輝藉此透過不同角色去總結丁蟹這個人。韋家輝能夠將一個反面人物用正面去寫、對白乞人憎得來又幽默，道盡塵世間的荒謬。丁蟹是一個最唔將法律放在眼內的人，依從法律程序做場大鬧劇，被判死刑後竟可無罪釋放。

「現實中有很多丁蟹這類人，表面義正詞嚴，實際傷天害理。從《還看今朝》、《暴雨燃燒》，可見韋家輝對香港及大陸關係有深刻想法，丁家 4 子圍住丁蟹就似五星旗；丁蟹無視法律，丁家 4 子中有律師、醫生、黑社會，包羅了定義社會規則的界別，而當時內地就係冇法治，可任意治罪。

「丁蟹是一腳牛屎的老粗，只憑武力及行運而成暴發戶，玩殘整個香港，大鱷陳萬賢或新銳陳滔滔都在股場被他打得落花流水，這一切都似不幸預言了今天一些處境。現在有冇人敢寫一套咁嘅劇？就算寫到，又能否逃過大陸審查及無綫的自我審查？故這劇是可一不可再。

「更佩服的是，韋家輝竟用《世紀之戰》將《大時代》所建立的一切完全推倒，還涉及道德倫理以至探討神是否存在。《大時代》的世界，是恐怖得來尚有溫暖，《世紀之戰》是徹底冷酷，昇華至如希臘神話般反問生命、探討人類存在價值，觸及人性最深層之處，一般觀眾是難以理解。不論這兩套是否神劇，韋家輝已是編劇之神，是深諳人世道理的大師。」

原文刊於《經濟日報》。